一年之約

過黎之前

係Ｄ　ＦＯＲＵＭ度識左幾個同我一樣

都係過黎ＷＯＲＫＩＮＧ　ＨＯＬＩＤＡＹ既人

大部份都已經到左兼生活左一排

有的在墨爾本

有的在柏斯

大家既情況其實都差唔多

都係未搵到工

其實都預左

係香港一個月都未必搵到啦

何況過到黎

其中有一個黎左好似得果三個禮拜

岩岩同我講話搵左好耐都未搵到

就黎會飛返香港

我心諗

你無野呀？

你過黎其實係想點既姐？

不過我都唔理得人咁多

可能人地大把錢

平時都係飛黎飛去

無論點都好

我都一定會係度留足一年

依個係我其中一個ＴＡＲＧＥＴ

唔係話要死撐

唔係話驚返到黎俾人笑

而係我覺得咁大個人

行得走得做得訓得

ＡＳ一個ＨＵＭＡＮ　ＢＥＩＮＧ

無理由叫你自己生活一年都做唔到

如果唔係成世人流流長你點過？

咁得閒講Ｄ咁既野

皆因我真係好得閒

ＰＲＥＦＥＲ想做既工基本上要ＳＥＮＤ既都ＳＥＮＤ晒

要派ＲＥＳＵＭＥ既都派得七七八八

我會等到月尾

再無聲氣先搵一Ｄ濫Ｄ既工

所謂濫係指佢對我無乜要求

我又除左錢唔會係佢度得到Ｄ咩既工

例如做返中文人餐館咁

農場我一定會去

最新計劃應該會係一月開始

目標係現代塵世美﹣塔斯曼尼亞

做野之餘又可以係個島度遊山玩水

其實而家食好住好

好容易會有個ＤＯＲ性

但係始終我都要試下真真正正周圍去住狗竇同床ＢＵＧ玩既滋味

預計會係下半年發生既事

不過都係果句

今日唔知聽日事

可能聽日有份廿幾蚊一個鐘既工俾我

我一定做做做做半年儲夠錢先離開ＭＥＬＢＯＵＲＮＥ