今日起身又整意粉食
同之前一樣不過Ｄ腸就烚左切粒先煎
好似咁樣好食Ｄ
跟住就出去周圍睇下邊度請人
今日淨係齌睇無入去問
因為想ＰＲＩＮＴ返Ｄ ＵＰＤＡＴＥ既ＲＥＳＵＭＥ先
想加返ＲＩＣＥ ＢＡＲ落去
依度搵工請同唔知請唔請都會叫你留低ＲＥＳＵＭＥ
所以準備好晒先黎真
除左咁樣
我仲去左一個叫ＭＥＬＢＯＵＲＮＥ ＣＲＩＣＫＥＴ ＧＲＯＵＮＤ既物體
係一個打板球既專用球場
好很大，不過去到已經六點幾，無得入去入面
淨係係出面影下Ｄ世紀勁人雕像就折返ＣＩＴＹ
一路沿住ＹＡＲＲＡ ＲＩＶＥＲ行呀行
幾正個倒影
同埋下面依隻三四層樓高既怪物
佢係為左１００年前依個公園誕生而擺係度的
行行下聽到鐘聲
原來依ＪＡ野叫ＦＥＤＥＲＡＴＩＯＮ ＢＥＬＬＳ
唔知咩原理佢地係咁係度響
終於到喇
勁人Ａ
勁人Ｂ
勁人s
之後返到ＣＩＴＹ去左行兩條之前未行過既街
就係咁，成個ＣＩＴＹ ＡＲＥＡ終於都俾我行過晒
不過真係要行多一排先唔洗揸地圖
澳洲咁大
每日行既路比起香港係以幾倍黎計
我諗我今日行既路就好似由灣仔頭行到去天后尾中間仲要係銅鑼灣行左陣咁
黎左依度三個禮拜
除左嗌咖啡嗌野食之外，都無乜點講到英文
所以一有機會，就算三唔識七都會盡量同Ｄ鬼佬講下野
首先琴日落場（放ＢＲＥＡＫ）既時候周圍行
見到有間賣高達模型既鋪頭
一走入去，原來係ＰＥＮＮＹ個契爺開的
查實佢係一個五十零六十歲既鬼佬
係ＲＩＣＥ ＢＡＲ既熟客，次次黎ＰＥＮＮＹ都會同佢傾偈
所以廚房Ｄ人叫佢做ＰＥＮＮＹ契爺
入到去其實佢唔知我乜水，不過外國人見到你硬係會問Ｄ唔係好關佢地事既事
"Hello~~How's your holiday~?"
我諗因為係星期日所以佢以為我放緊假
就係咁我就講左其實我都係ＲＩＣＥ ＢＡＲ做仲同ＰＥＮＮＹ住緊
傾完一陣再睇陣Ｄ模型就同佢ＳＡＹ ＧＯＯＤＢＹＥ
仲同佢握握手做個好朋友
而今日我行緊街既時候
見到有個又係廿幾歲既鬼仔著住見制服拎住疊紙咁
心諗一定係做問卷
俾著係香港我會周圍望黎逃避佢既眼神
但今次無，果然佢真係ＨＩ我
咁我就ＨＩ返佢
原來（佢話）佢都係ＷＨＭ，係ＩＲＥＬＡＮＤ果邊黎
而家幫緊ＵＮＨＣＲ依個團體做野
主要係幫助蘇丹一Ｄ難民去返返屋企，同提供保護以免佢地俾一Ｄ叫ＪＡＮＪＡＷＥＥＤ既類似土匪既人射殺
而佢企係街既目的係想叫人捐錢
佢話每日捐一蚊就幫到好多人
我梗係同佢講我自身難保但係好ＡＰＰＲＥＣＩＡＴＥ佢做既野
最後叫佢加油就走左
另外琴日同今日都有人問我路，咁岩我識就教左佢地行
好似好叻咁哈哈
